Vinnustofur í Kanada og heimsókn til sendiherra
Á vinnustofunum var áfangastaðurinn Ísland kynntur fyrir erlendum ferðasöluaðilum, ásamt áherslum um ábyrga ferðaþjónustu og markaðsherferðum Inspired by Iceland. Í kjölfar kynningarinnar funduðu gestir með íslenskum ferðaþjónustufyrirtækjunum og kynntu sér fjölbreytt þjónustuframboð þeirra. Rúmlega 80 ferðasöluaðilar sóttu vinnustofurnar í borgunum þremur.
Eftir vinnustofuna í Ottawa bauð sendiherra Íslands í Kanada, Pétur Ásgeirsson og Jóhanna Gunnarsdóttir þátttakendum til hádegisverðar í sendiherrabústaðnum. Þar gafst þátttakendum gott tækifæri til að kynna sér viðskiptaumhverfið í Kanada og hlutverk sendiráðsins í upplýsingamiðlun til ferðamanna.
Með í för voru fyrirtækin Activity Iceland, Eskimos, GJ Travel, Gray Line Iceland, Iceland Travel, Icelandair, Icelandair Hotels, Into the Glacier, Íslandshótel, Prime Tours, Reykjavik Excursions, Snæland Travel, Special Tours, Superjeep , Torfhús Retreat og Whale Watching Akureyri.