Íslandsstofa skipuleggur árlega þátttöku í ýmsum viðburðum á erlendum mörkuðum fyrir fyrirtæki í ferðaþjónustu. Annars vegar er um að ræða þátttöku í ferðasýningum á sameiginlegum þjóðarbás og hins vegar viðskiptasendinefndir þar sem settar eru upp vinnustofur fyrir erlenda ferðaheildsala. Tilgangur viðburðanna er að kynna Ísland sem áfangastað fyrir ferðamenn og skapa vettvang fyrir íslensk fyrirtæki í ferðaþjónustu til að kynna þjónustu sína og koma á viðskiptasamböndum.