Markaðsverkefninu Skapandi Ísland hefur verið ýtt úr vör. Verkefninu er ætlað að efla vitund um íslenskar listir og skapandi greinar á erlendum mörkuðum, auka þekkingu alþjóðlegs fagfólks á listum og skapandi greinum hér á landi og styðja við útflutning íslenskra listamanna og hins skapandi geira.

Íslandsstofa rekur verkefnið Film in Iceland sem hefur m.a. það markmið að kynna Ísland sem vænlegan tökustað fyrir erlend kvikmyndaverkefni.

Við viljum kynna Ísland sem skapandi miðstöð, upprunaland menningarafurða og eftirsóknarverðan stað til sköpunar á sviði tónlistar, bókmennta, myndlistar, sviðslista og hönnunar.