Íslensk sjávarútvegsfyrirtæki hafa sameinast undir slagorðinu Seafood from Iceland til að auka útflutningsverðmæti með einu upprunamerki. Verkefninu er einnig ætlað að kynna íslenskan uppruna og auka jákvæðni til íslenskra sjávarafurða.

Íslendingar hafa löngum verið þekktir sem fiskveiðiþjóð í Bretlandi. Nýleg könnun sýndi hins vegar að vitund yngra fólks um íslenskan fisk fór minnkandi. Af þessum sökum meðal annars er ráðist í Fishmas herferðina til að auka vitund um íslenskan fisk meðal almennings. Breskir heildsalar þekkja þó fiskinn vel, enda hafa þeir átt í traustu viðskiptasambandi við íslensk fyrirtæki í áratugi.

Um 30 íslensk fyrirtæki eru aðilar að Seafood from Iceland verkefninu, auk SFS og Íslandsstofu.