Íslandsstofa skipuleggur í samstarfi við íslenska sendiráðið í Finnlandi sendinefnd á tækniráðstefnuna SLUSH sem fer fram 1.-2. desember 2021 í Helsinki. Ráðstefnan hefur undanfarin ár verið góður vettvangur til þess að komast í samband við fjárfesta, aðra frumkvöðla, fjölmiðla og áhugaverða samstarfsaðila.

Fyrir hverja?
Íslandsstofa hvetjur áhugasöm vaxtarfyrirtæki, fjárfesta og fólk úr stuðningsumhverfi nýsköpunar á Íslandi til að slást með í för á einn stærsta tengslaviðburð fjárfesta og nýsköpunarfyrirtækja í heiminum. Þátttakendur fá miða á SLUSH á afar sprotavænum kjörum (20.000 íslenskar krónur), boð í fjárfestamóttöku sem haldin verður á svæðinu og pop-up viðburð á meðan ráðstefnunni stendur.

Umsóknarfrestur
Þau fyrirtæki sem hafa áhuga á að taka þátt í sendinefndinni geta skráð sig hér að neðan til og með 1. nóvember næstkomandi. Athygli er vakin á því að takmarkaður fjöldi miða er í boði og því borgar sig að bregðast við sem fyrst. Ef þú ert þegar búin(n) að tryggja þér miða getur þú samt sem áður skráð þig í sendinefndina.

Hvers vegna að taka þátt?
Ef þú ert í vafa um hvort þú eigir að taka þátt þá er gagnleg ráð  að finna á Six Reasons to Join SLUSH 2021 as a Startup. Á hverju ári eru einnig haldnir hliðaviðburðir daginn fyrir ráðstefnuna þar sem er að finna margt áhugavert og hvetjandi sögur frumkvöðla.

• Hægt er að skrá þátttöku á vef Íslandsstofu
  
  
• Vefur ráðstefnunnar

Allar nánari upplýsingar veitir Jarþrúður Ásmundsdóttir, fagstjóri hugvits nýsköpunar og tækni hjá Íslandsstofu: jarthrudur@islandsstofa.is