17. mars kl. 9:00-10.30, Bryggjunni brugghúsi að Grandagarði 8. 

Íslandsstofa boðar til morgunverðarfundar fimmtudaginn 17. mars nk., í samstarfi við Hönnunarmiðstöð Íslands.

Á fundinum verður fjallað um hvernig nýta megi hönnun og vörumerkjauppbyggingu (branding) til að auka gildi uppruna íslenskra matvæla og auka verðmæti í sölu á erlendum mörkuðum og til erlendra ferðamanna á Íslandi. Fundurinn er ætlaður fyrirtækjum í matvælageiranum, allt frá veiðum, frumframleiðslu, vinnslu og sölu matvæla, sem og aðilum í veitingageiranum. Einnig verða kynntar vinnustofur sem Íslandsstofa heldur um sama málefni á næstu mánuðum.

Dagskrá:

• Guðný Káradóttir forstöðumaður á matvælasviði Íslandsstofu opnar fundinn  
• Halla Helgadóttir, framkvæmdastjóri Hönnunarmiðstöðvar Íslands fjallar um gildi hönnunar
• Brynhildur Pálsdóttir og Kristín María Sigþórsdóttir, hönnuðir, flytja erindi um stefnur og strauma í matar- og upplifunarhönnun.
• Jakob S. Bjarnason framkvæmdastjóri Foss Distillery segir frá hvernig fyrirtækið hefur mótað sér sýn og unnið með hönnun í starfi sínu
• Kynning á vinnustofunum sem haldnar verða í apríl og maí
• Umræður

Boðið verður upp á kaffi og léttar veitingar.

Fundurinn verður tekinn upp og gerður aðgengilegur á YouTube rás Íslandsstofu.

Nánari upplýsingar veita Bryndís Eiríksdóttir, bryndis@islandsstofa.is, verkefnisstjóri á matvælasviði og Guðný Káradóttir forstöðumaður matvælasviðs, gudny@islandsstofa.is, í síma 511 4000. 

Fundurinn er opinn öllum en nauðsynlegt er að skrá þátttöku fyrirfram á islandsstofa@islandsstofa.is