Í ár tekur íslenska nýsköpunarfyrirtækið Kerecis þátt í pallborðsumræðum á fyrri degi ráðstefnunnar. Þar mun Guðmundur Fertram Sigurjónsson, stofnandi og framkvæmdastjóri fyrirtækisins, taka þátt í umræðum undir yfirskriftinni „Raising Capital in the U.S.“. Pétur Óskarsson, framkvæmdastjóri Íslandsstofu og Hlynur Guðjónsson, aðalræðismaður Íslands í New York verða jafnframt á staðnum til að kynna markaðstækifæri á Íslandi.

Auk þess að hlýða á pallborðsumræður ýmiss konar gefst á ráðstefnunni tækifæri til að sækja  kynningar ýmissa sérfræðinga og norrænna fyrirtækja á sviði heilbrigðistækni og lífvísinda. Einnig gefst þar gott tækifæri til tengslamyndunar en ráðstefnuna sækir að jafnaði fjöldi fjárfesta og sérfræðinga auk fyrirtækja í greininni.