Í Salt Eldhúsi sýndu gestakokkarnir þrír og fulltrúar íslenska kokkalandsliðsins, listir sínar og matreiddu nokkrar útgáfur saltfiskrétta, hver með sínu sniði. Á meðal gesta voru frú Eliza Reid forsetafrú og verndari íslenska kokkalandsliðsins og Kristján Þór Júlíusson, sjávarútvegsráðherra auk annarra góðra gesta.

Alls taka 13 veitingastaðir um land allt þátt í vikunni, sem stendur til 15. september, allir með a.m.k. einn saltfiskrétt á matseðli. Þeir eru:

1. Bacalao bar, Hauganesi
2. Báran, Þórshöfn 
3. Einsi Kaldi, Vestmannaeyjum
4. Höfnin, Reykjavík
5. Hótel Selfoss, Selfossi
6. Icelandair Hotel Reykjavík Natura, Reykjavík 
7. Kaffivagninn, Reykjavík
8. Krauma, Reykholti
9. Matur og drykkur, Reykjavík
10. Rub 23, Akureyri 
11. Salthúsið, Grindavík
12. Tapasbarinn, Reykjavík 
13. Von Mathús, Hafnarfirði 

Er fólk hvatt til nýta tækifærið meðan á vikunni stendur og gera sér ferð og fá sér saltfisk.

Ekki má heldur gleyma myllumerkinu #saltfiskvika á Instagram, að skrásetja saltfisk-diskinn þar. Dregið verður úr merktum myndum þar sem í vinning er ferð til Barcelona.

Allar frekari upplýsingar má nálgast á www.saltfiskvika.is

Með fylgja nokkrar myndir úr Salt Eldhúsi.

_{Saltfiskvikan er samstarfsverkefni Matís, Íslandsstofu, íslenska kokkalandsliðsins og Saltfiskframleiðenda.}