Íslandsstofa skipuleggur þátttöku íslenskra fyrirtækja á sjávarútvegssýningunum European Seafood Exposition og Seafood Processing Europe sem haldnar verða í Brussel dagana 23-25 apríl 2013.

ESE og SPE eru stærstu sjávarútvegssýningar í heimi og er þetta í 21. sinn sem íslenskir þjóðarbásar eru skipulagðir í Brussel. Meðal sjávarútvegsfyrirtækja er almennt litið á sýningarnar í Brussel sem þær mikilvægustu innan greinarinnar til að kynna vörur sína og þjónustu. Því er óhætt að segja að flestir lykilmenn í sjávarútvegi í heiminum séu þar samankomnir.